झेंझरी टुकनी..आरो निमार के

महतारी भासा माधयम ले कक्छा-5 तक सिक्छा देहे के गोठ लँ सिक्छा नीति 2020 मँ फोरे गये हे : परधान मंतरी देसभर के सिक्छक , परधान पाठक मन सो बर्चुवल जुरांव मँ परधान मंतरी नरेन मोदी जी हर कहिच कि : रास्टीय सिक्छा आये के बाद एहु चरचा के बिकट हल्ला होवत हे कि पिलवा लईका लँ पढ़ाये के भासा का होहय ? त ए लंग हमन लs एक ठन जरुरी बईग्यानिक गोठ ल समझे के जरुरत हे के भासा सिक्छन के माधयम आंय , भासेच्च हर पुरा सिक्छा नोहय ! पोथी (किताबी) पढ़ाई मँ फंसे फंसे कुछ लोगन मन ए बात ल भुला जाथे तभे जऊंन भी भासा जेमा पिलवा लईका सरलता ले सीख सके , समझ सके ऊहीच्च भासा हर पढ़ाई लिखाई के भासा होना चाही । ए देखना अब्बड़ जरुरी हे के लईका लँ जब हमन पढ़ावत हन , जऊंन हमन ओखर सो गोठियावत हन , तेला का वोहर समझ पावत हे ? समझत हवय त कतका सरलता ले समझत हे ? कही अईसे तो नही कि बालमन हर  बिसय लँ समझे ले जादा ऊरजा भासा ल समझे मँ खपात हे ? इही सब गोठ ल लेके बनेच्च अकन देस मँ घलो बुनियादी सिक्छा लँ महतारी भासा मँ ही देहे जाथे । आप सब मन 'पीसा' संगठन के  2018 के रपट देखे होहव त जानत होहव कि जेतका भी टाप रेकिंग...

बेलासपुर के नवा एयरपोट के नामकरन लँ सहीद बीर गुन्डाधुर के नांव मँ करे के मांग। बेलासपुर मँ जेन जगह ले हवई जिहाज उड़ाही अऊ उतरही , ओ जगह के नांव लँ महान स्वतंत्रता संग्राम सेनानी , बीर सहीद गुंडाधुर के नांव मँ करे के मांग लँ लेके आज छत्तीसगढ़ सर्व आदिवासी समाज  संगठन अऊ छत्तीसगढ़िया क्रांति सेना संगठन के बेलासपुर इकाई हर मुखमंतरी के नाम बेलासपुर जिलाधीस लँ मांगपाती सौपिच्च। आपमन लँ आरो होहय कि लम्बा बेरा ले अगोरे के बाद बेलासपुर हर सुग्घर हवई सेवा ले जुड़त हे अऊ ए बात आघु आये हवय कि बेलासपुर ले भोपाल उड़ान सबले पहिली सुरु होहय । ए खुसखभरी के बीच मांग उठत हे कि नवा बने विमानतल के नामकरन लँ छत्तीसगढ़ के पुरखा , महापुरुस  के नाम मँ होवय । जेमा प्रमुख रुप ले छत्तीसगढ़ी के वीर बलिदानी गुंडाधुर ,  विरांगना बिलासा देवी  (बेलासपुर सहर के नामकरन जेखर नाम मँ होये हे)। नाम हे। गियापन देहे के मऊंका मँ छत्तीसगढ़िया क्रांति सेना के बेलासपुर जिला संजोजक ठा. सईलु सिरवास हर कहिच्च कि छत्तीसगढ़ के मुल मँ आदिम संस्कृति हवय , हम सब मन इही माटी संस्कृति मँ रचे बसे ...

नवा सिक्छा नीति 2020 लँs केन्दरीय केबिनेट के मंजुरी मिल गे हवय । पुर्व इसरो परमुख कस्तूरीरंगन के अघुवाई मँ बिसेसग्य मन के एक समिति हर एखर मसौदा तियार करे रहिच्च जेला परधानमंतरी के अध्यक्छता मँ केबिनेट हर बुधवार के मंजुरी दिहिस हवय । नवा सिक्छा नीति मँ बहुत अकन बदलाव करे गय हवय । "नवा सिक्छा नीति मँ पाँचमी कक्छा तक महतारी भाखा , ईस्थानीय भाखा या छेतरीय भाखा मँ पढ़ाई के माधियम के गोठ लँ सफा सफा फोरे गये हे । संगे संग कहे गये हवय कि एला कक्छा आठमी तक बढ़ाये जा सकत हे अऊ बिदेसी भासा के पढ़ाई सेकेन्डरी स्तर ले होही ।" बर्तमान मानव संसाधन बिकास मंतरी अऊ होने वाला केन्दरीय सिक्छा मंतरी रमेस पोखरियाल हर बुधवार के परेस बारता करके ए बात ल फोरिच्च । माने जावत हे कि ए नवा सिक्छा नीति ले छत्तीसगढ़ जईसे राज के सिक्छा बेवस्था मँ जबरजस्त बदलाव होहय काबर कि अभी तक ए राज्य हर अपन महतारी भाखा छत्तीसगढ़ी , गोंडी , सरगुजी,  etc माधियम मँ पराथमिक सिक्छा पाये बर बंचित हवय । गौरतलब हे कि छत्तीसगढ़ मँ जम्मों राज असन बुनियादी सिक्छा के माधियम महतारी भाखा करवाये बर छत्तीसगढ़िया कर...

बेलासपुर जिला के पुरबी हिस्सा के जमीनी हकीकत ल बताये बर धन्यवाद करोना । 11-12 सताब्दी मँ ओड़िसा , आन्ध्रा के सासक मन लँ पुरब मँ महानदी अऊ दक्छिन मँ गोदावरी के ओ पलाट खदेड़ने (हकालने) वाला हैहयवंसी (कल्चुरी) नरेस गजसार्दुल जाज्वल्यदेव -I हर जब निडला (लीलागर नदी) के तट मँ बसे मलार (मल्हार) मँ अपन सासन बेव्यस्था ईस्थापित करिच्च त ओहर सोचे नई रहिस होही के मोर सासन के 900 बछर बाद सोना नगरी मलार (मस्तुरी) के लोगन मन कमाये खाये परदेस जाही । छत्तीसगढ़ ले बैकुंठ मँ बस चुके अजीत जोगी सही कहय कि *अमीर धरती के गरीब संतान* ।  खाल्हे देहे करतन के मुताबिक भास्कर हर कहत हे कि जिला के आधा ल जादा मजदूर मस्तूरी छेत्र के आंय अऊ हरिभूमी कहत हे कि 44000 लोगन मस्तुरी छेत्र मँ अवईया हवय जऊंन कमाये खाये अंते गये हवय अऊ मस्तुरी बलाक के छमता 22000 हवय । मजबुरी मँ ए छेत्र के मजदूर मन ल क्वारांईनटाईन करे बर  बेलासपुर, बिल्हा, रतनपुर, तखतपुर जैहे परोसी बलाक मँ ठहराय गये हवय अऊ अईसनहा ईस्थिती वाला बनत तक पुरा राज्य मँ अकलौटा होहय।   मस्तूरी , जऊंन उत्तर मँ खोंधरा ले दक्छिन...

जोहार छत्तीसगढ़ फिलिम के टीम युनिट संग होली खेलीच्च छ्त्तीसगढ़िया क्रांति सेना । बिलासपुर : छत्तीसगढ़िया अस्मिता , स्वाभिमान मँ बने फिलिम जोहार छत्तीसगढ़ के कलाकार , निर्माता मन बेलासपुर हबरिच्च जेखर सुवागत छत्तीसगढ़िया क्रांति सेना अऊ छत्तीसगढ़िया महिला क्रांति सेना के सेनानी मन करिच्च । ए मऊंका मँ निर्माता राज साहु हर बताईच्च कि फिलिम हर जोरदार चलत हे , अऊ अब्बड जल्दी कई सहर के सनिमाघर मँ घलो हमर फिलिम हर लगने वाला हवय । संगे संग सबरीनराएन मेला असन ससहा मेला सहित कई ठन मेला मँ घलो ए पिच्चर के प्रदर्सित होये के गोठ ल फोरिच्च । गौरतलब हे कि ए फिलिम के माधियम ले जोरदार तरीका ले कई ठन संदेसा देहे गये हवय कि  छत्तीसगढ़िया ल अपने भासा ल बोले मँ बिल्कुल लजाना नई चाही , हकन ल बऊंरना चाही । छत्तीसगढ़िया ल अपन हक अऊ अधिकार बर सजग , संगठित होना चाही ।    रईपुर ले हबरे जोहार छत्तीसगढ़ के टीम हर छेवर मँ  छ्तीसगढ़िया क्रांति सेना संग सिव सनिमा के प्रांगन मँ होरी खेलिच्च अऊ एक दुसर ल बधाई दिहिच्च ।  ए मऊंका मँ कई कोरी द...

छत्तीसगढ़िया महिला क्रांति सेना , राजभासा मंच हर मनाईच्च बिस्व महतारी भाखा दिवस , महतारी भाखा ल बुनियाद सिक्छा के माध्यम बनाये बर छग सरकार के करिच्च अभार। बिस्व महतारी भाखा दिवस के मऊंका मँ छत्तीसगढ़िया महिला क्रांति सेना हर बेलासपुर के संजीवनी अस्पताल सभागार मँ छत्तीसगढ़ी बिचार गोस्ठी कारकरम करिच्च जेमा  प्रदेश भर ले भासाविद, सुजान मनखे , साहितकार , जनसेवक अऊ महिला क्रांति सेना के बहनी मन संघराके अपन अपन बिचार रखिच्च। ए मऊंका मँ छत्तीसगढ़ी राजभासा मंच के प्रांतीय संजोजक  नंदकिसोर सुक्ला हर बताईच्च कि ठऊंके आजे के दिन अपन भाखा बर बंग्लादेसिया मन बलिदान देहे रहिच्च ओखरे सुरता मँ युनेस्कों हर आजे के दिन ए दिवस ल मनाथे तभे आज वो पावन दिन आंय जेला भाखा के परति मया के सबले बड़का दिन कहे जा सकत हे ओखरे बर आज हमुच्च छत्तीसगढ़िया मन ल अपन महतारी भाखा के संरक्छन, बिकास बर बुता करे के किरिया खाना चाही। संगे संग छग सरकार हर अवईया सतर ले छत्तीसगढ़ी संग सबेच्च महतारी भाखा लँ पराथमिक सिक्छा के माधियम बनाये के घोसना करे हे तेखरो बर सरकार लँ अंतस ले संहराईच्च । ओखर बाद छत्तीसगढ़...

आठवी अनुसूची मँ संघरे बर सबले जादा काबिल छत्तीसगढ़ी ! बिकीपेड़िया के बतऊंती लगभग 38-40 भासा ल , ओला बऊंरईया मनखे मन आठवीं अनुसूची मँ संघेरे बर केन्द सरकार सो गोहार लगाये हवय , जेमा छत्तीसगढ़ी के संगे संग राजस्थानी , भोजपुरी , अवधी , etc. भासा मन दावेदार हे फेर छत्तीसगढ़ी मँ जेन जेन गुन हवय ओहर सायदे सेस बांचे 39 भाखा मँ होवय । छत्तीसगढ़ी के गुन जेन अन्य दावेदार मँ नही , खाल्हे मँ :-👇 👉अघुवा दावेदार भोजपुरी फेर ओखर छत्तीसगढ़ी असन स्वतंत्र राज नई हे। 👉प्रमुख राजस्थानी , अवधी घलो दावेदार फेर उमन अपन राज के राजभासा नई हे! जईसे छत्तीसगढ़ी हर छग के राजभासा आंय। 👉छत्तीसगढ़ी के अपन ब्याकरन, साहित्य हे जेखर अऊ कई ठन भाखा मँ अभाव हवय । 👉छग सरकार के सुग्घर घोसनानुसार छत्तीसगढ़ी हर अवईया सिक्छा सत्र ले पराथमिक सिक्छा के माध्यम घलो बन जाही आनिक पढ़ई लिखई के भासा घलो छत्तीसगढ़ी।  👉जनसंख्या के मामला मँ बांचे 39 भाखा मँ भोजपुरी, राजस्थानी, अवधी के बाद चौथा स्थान रखथे हमर छत्तीसगढ़ी । संगे संग ईही जनसंख्या के मामला मँ आठवी अनुसूची मँ संघर चुके 9 भाखा ले घलो आघु हवय हमर महतारी भासा...

गनतन्त्र दिवस के मऊका मँ मुख्यमंतरी हर छत्तीसगढ़िया ल दिहीच्च जबर तोहफा। छत्तीसगढ़ मँ सिक्छा का अधिकार अधिनियम 2009 ल लागु करे जाही: मुखमंतरी छत्तीसगढ़ मँ घलो जम्मों राज असन महतारी भाखा मँ पराथमिक सिक्छा मिलही !  छत्तीसगढ़ी समेत छत्तीसगढ के सबे महतारी भाखा मँ पढ़ई लिखई बर बुता करईया लोगन समेत सबे छत्तीसगढ़िया बर गनतन्त्र दिवस 2020 हर जबर खुसी लेके आईच्च जब ए पावन मऊंका मँ बस्तर मँ तिरंगा के सलामी देहे के बाद मुखमंतरी हर घोसना करिच्च कि छत्तीसगढ़ मँ घलो सिक्छा कानुन 2009 लँ लागु करे जाही । मुखमंतरी कहिच्च कि ए कानुन मँ फरी फरी लिखाय हे कि पराथमिक कक्छा के नान नान लईका मन ल यथासंभव ओखर महतारी भाखा मँ सिक्छा देहे जाये फेर ए बिडम्बना आंय कि अभी तक ऐला छत्तीसगढ़ मँ लागु नई करे गईच्च फेर अवईया सिक्छा सत्र ले ऐला लागु करके छत्तीसगढ़ी समेत छत्तीसगढ़ के सबे महतारी भाखा मँ सिक्छा देना सुनिस्चित करबो । गौरतलब हे कि छत्तीसगढ़िया क्रांति सेना , छत्तीसगढ़िया महिला क्रांति सेना , छत्तीसगढ़ी राजभासा मंच,  छत्तीसगढ़ी एम.ए. पास संगठन समेत कई ठन संगठन  , बुध्दजीवी, स्वतंत्र बिच...

पराथमिक सिक्छा के माधियम महतारी भाखा ही होवय तेखर बर हस्ताक्छर अऊ जनजागरन उदिम । जेखर सुरवात बेलासपुर परेस कलब ले बेलतरा बिधायक रजनीस सिंघ हर हरी झंडा बताके करिच्च अऊ ओखर बाद नियाय के सबले बड़का मंदिर हाईकोर्ट परिसर तक साईकिल/फटफटी  जातरा करे गईच्च । जातरा के सुरु दिन बिधायक , पारसद , बकील सहित सईकड़ो मनखे सो हस्ताक्छर लेहे गईच्च, अऊ तिफरा बस्ती मँ जनजागरन चलाये गईच्च। छत्तीसगढ़ी राजभासा मंच के परांतीय संयोजक नंदकिसोर सुकुल हर बताईच्च कि ए अभियान के छेवर 21 फरवरी (बिस्व महतारी भाखा दिवस) के दिन होही। ए मंऊका मँ छत्तीसगढ़िया महिला क्रांति सेना प्रमुख लता राठौर हर कहिच्च कि ए कईसे बिडम्बना आंय कि छत्तीसगढ़िया ल अपने भासा मँ पढ़ई लिखई करवाये बर हस्ताक्छर अभियान चलाये ल पड़त हे जबकी महतारी भासा मँ सिक्छा पाना हमर संम्बिधानिक , कानुनी अधिकार आंय।