झेंझरी टुकनी..आरो निमार के

छत्तीसगढ़ी लs पढ़ाई लिखई के भासा बनाये बर अनसन के चेतावनी , भासा लs नियाय देवाये खातिर हाईकोर्ट के फईका खटखटाये के घलो लेहे गईच्च संकल्प.. आज रईपुर परेस कलब मँ छत्तीसगढ़ी भासा बर लड़ईया कई ठन संगठन मन संघर के विस्व महतारी भासा दिवस मनाईच्च जेमा हबरे लोगन मन एक सूर मँ किरिया खाईच्च कि छत्तीसगढ़ी के सम्मान बर अब के आर पार लड़ाई लड़े जाही । छत्तीसगढ़ी के हक अधिकार बर दिल्ली मँ सत्याग्रह कर चुके संगठन छत्तीसगढ़िया महिला करांति सेना के प्रदेस अध्यक्छ लता राठोर हर कहिच्च कि ए सुखद अवसर मँ हमन मयारु भुपेस सरकार लs आरो देना चाहत हन कि जल्दी ले जल्दी छत्तीसगढ़ी लs कक्छा 5 तक माध्यम अऊ 6वीं ले 12 तक अनिवार्य बिसय बनाके जगदलपुर मँ करे गये अपन घोसना ल पुरा करय । काबर कि अब आऊ कतेक अगोरबो ? सुग्घर नवा सिक्छा नीति घलो आ गेहे हे जेन हर बुनियादी सिक्छा के माध्यम छत्तीसगढ़ी ल बनाये के वकालत करत हे । नही त विधानसभा सत्र मँ हमन अनसन ,धरना करे बर मजबुर होबो फेर सरकार सो गोहार हे कि ए नौबत झन लावय।  ऊहें छत्तीसगढ़िया अस्मिता बर लड़ईया संगठन छत्तीसगढ़िया क्रांति से...