झेंझरी टुकनी..आरो निमार के

छत्तीसगढ़ी अस्मिता अभियान हर राजधानी के बाद जम्मों जिला मँ होहय , ईही किरिया के साथ जनजागरन अभियान के छेवर। छत्तीसगढ़ी लs पराथमिक सिक्छा के माधियम अऊ कामकाज के भासा बनाये बर नाहके 3 दिन ले सल्लग चलत जनजागरुकता अभियान के आज छेवर होगे जेमा प्रदेस भर छत्तीसगढ़ी बर बुता करईया साहितकार, कवि, समाजसेवी, लेखक हजारो लोगन मन जुडिन अऊ ए अभियान के उत्साह अऊ सफलता ल देखते हुये किरिया खाये गईच्च कि ए अभियान हर राजधानी मँ तो छेवर होगे फेर ए अभियान ल अऊ चोख्खु करे बर हर जिला मँ अभियान चालु करबो। छत्तीसगढ़िया क्रांति सेना, छत्तीसगढ़ी एम.ए. छात्र संगठन, छत्तीसगढ़ी राजभासा मंच के साथ ए अभियान के मुख्य आयोजन करईया संगठन छत्तीसगढ़िया महिला क्रांति सेना के प्रदेस अध्यक्छ लता राठौर हर कहिच्च कि ए अभियान के प्रमुख उद्देस्य जनता ल जगाना आंय न कि सरकार के विरोध करना काबर कि ए सरकार के आये ले छत्तीसगढ़ी बर सानदार माहौल बने हे बस ए सरकार ल एक कदम आऊ आघु बढ़ना हे अऊ हमन ल पक्का विस्वास हे कि सरकार ए दिसा मँ आघु रेंगही । फेर मुख बात तो ए आंय कि सरकार अगर छत्तीसगढ़ी लs माध्यम बना दिहिच्च त का...

छत्तीसगढ़ी अस्मिता बर सत्याग्रह सुरु , तत्काल ईहा के भासा मन लs बुनियाद के माध्यम बनाये के मांग । आपमन पद पाये बर , पईसा पीटे बर , ईनाम झटके बर  बनेच्च आंदोलन देखे होहव फेर छत्तीसगढ़ मँ एक अईसे आंदोलन के आज ले सुरवात होगे जऊंन हर पद पईसा ले इतर स्वाभिमान बर होहत हे ।  हहो मय बात करत हव छत्तीसगढ़ के मुल चिन्हारी छत्तीसगढ़ी बर आज ले सुरु होय आदोलन के जेला छत्तीसगढ़िया महिला क्रांति सेना समेत कई ठन संगठन मन बुढ़ा तरिया , रईपुर मँ सुरु कर देहे हवय । ए मऊंका मँ छत्तीसगढ़ी बर बुता करईया लोगन मन प्रदेस भर ले हबरे ल सुरु कर देहे हे । जेमा छत्तीसगढ़िया क्रांति के बिलासपुर जिलाध्यक्छ किरिस्ना कवसीक , महिला क्रांति सेना के मधु साहु , राजभासा मंच के परांतीय संजोगग नंदकिसोर सुकल हर रईपुर रेल टेसन ले धरना स्थल तक 8 km के पदजातरा भी करिच्च। गौरतलब हे छत्तीसगढ़ मँ अईसनहा दुर्लभ मऊंका देखे बर मिले हे जब ईहा के स्थानीय भासा के सम्मान बर लोगन मन मैदान मँ उतरे हे । ए संगठन मन पुरा प्रदेस के लोगन ल धरना स्थल मँ हबरे कि गोहार करे हे ताकी सब सल्लग होके सरकार ल म...