मुल चिन्हारी छत्तीसगढ़ी बर सत्याग्रह सुरु । लोगन ल स्वाभिमान बर धरना ठऊंर हबरे के गोहार
छत्तीसगढ़ी अस्मिता बर सत्याग्रह सुरु , तत्काल ईहा के भासा मन लs बुनियाद के माध्यम बनाये के मांग ।
आपमन पद पाये बर , पईसा पीटे बर , ईनाम झटके बर बनेच्च आंदोलन देखे होहव फेर छत्तीसगढ़ मँ एक अईसे आंदोलन के आज ले सुरवात होगे जऊंन हर पद पईसा ले इतर स्वाभिमान बर होहत हे ।
ए मऊंका मँ छत्तीसगढ़ी बर बुता करईया लोगन मन प्रदेस भर ले हबरे ल सुरु कर देहे हे । जेमा छत्तीसगढ़िया क्रांति के बिलासपुर जिलाध्यक्छ किरिस्ना कवसीक , महिला क्रांति सेना के मधु साहु , राजभासा मंच के परांतीय संजोगग नंदकिसोर सुकल हर रईपुर रेल टेसन ले धरना स्थल तक 8 km के पदजातरा भी करिच्च।
गौरतलब हे छत्तीसगढ़ मँ अईसनहा दुर्लभ मऊंका देखे बर मिले हे जब ईहा के स्थानीय भासा के सम्मान बर लोगन मन मैदान मँ उतरे हे । ए संगठन मन पुरा प्रदेस के लोगन ल धरना स्थल मँ हबरे कि गोहार करे हे ताकी सब सल्लग होके सरकार ल महतारी भासा मँ पढ़ई लिखाई बर बिबस कर सकिन , ताकी हर राज्य के तरहा छत्तीसगढ़ के लईका मन अपन महतारी भासा मँ सिक्छा पाके तेजी ले बौध्दिक विकास कर सके अऊ अपन महतारी भासा मँ गरब कर सके..
आपमन पद पाये बर , पईसा पीटे बर , ईनाम झटके बर बनेच्च आंदोलन देखे होहव फेर छत्तीसगढ़ मँ एक अईसे आंदोलन के आज ले सुरवात होगे जऊंन हर पद पईसा ले इतर स्वाभिमान बर होहत हे ।
हहो मय बात करत हव छत्तीसगढ़ के मुल चिन्हारी छत्तीसगढ़ी बर आज ले सुरु होय आदोलन के जेला छत्तीसगढ़िया महिला क्रांति सेना समेत कई ठन संगठन मन बुढ़ा तरिया , रईपुर मँ सुरु कर देहे हवय ।
Comments
Post a Comment