झेंझरी टुकनी..आरो निमार के

बेलासपुर के नवा एयरपोट के नामकरन लँ सहीद बीर गुन्डाधुर के नांव मँ करे के मांग। बेलासपुर मँ जेन जगह ले हवई जिहाज उड़ाही अऊ उतरही , ओ जगह के नांव लँ महान स्वतंत्रता संग्राम सेनानी , बीर सहीद गुंडाधुर के नांव मँ करे के मांग लँ लेके आज छत्तीसगढ़ सर्व आदिवासी समाज  संगठन अऊ छत्तीसगढ़िया क्रांति सेना संगठन के बेलासपुर इकाई हर मुखमंतरी के नाम बेलासपुर जिलाधीस लँ मांगपाती सौपिच्च। आपमन लँ आरो होहय कि लम्बा बेरा ले अगोरे के बाद बेलासपुर हर सुग्घर हवई सेवा ले जुड़त हे अऊ ए बात आघु आये हवय कि बेलासपुर ले भोपाल उड़ान सबले पहिली सुरु होहय । ए खुसखभरी के बीच मांग उठत हे कि नवा बने विमानतल के नामकरन लँ छत्तीसगढ़ के पुरखा , महापुरुस  के नाम मँ होवय । जेमा प्रमुख रुप ले छत्तीसगढ़ी के वीर बलिदानी गुंडाधुर ,  विरांगना बिलासा देवी  (बेलासपुर सहर के नामकरन जेखर नाम मँ होये हे)। नाम हे। गियापन देहे के मऊंका मँ छत्तीसगढ़िया क्रांति सेना के बेलासपुर जिला संजोजक ठा. सईलु सिरवास हर कहिच्च कि छत्तीसगढ़ के मुल मँ आदिम संस्कृति हवय , हम सब मन इही माटी संस्कृति मँ रचे बसे ...