जोहार छत्तीसगढ़ फिलिम के युनिट संग होरी मनाईच्च छ्तीसगढ़िया क्रांति सेना अऊ बेलासपुरिहा ।

जोहार छत्तीसगढ़ फिलिम के टीम युनिट संग होली खेलीच्च छ्त्तीसगढ़िया क्रांति सेना ।

बिलासपुर : छत्तीसगढ़िया अस्मिता , स्वाभिमान मँ बने फिलिम जोहार छत्तीसगढ़ के कलाकार , निर्माता मन बेलासपुर हबरिच्च जेखर सुवागत छत्तीसगढ़िया क्रांति सेना अऊ छत्तीसगढ़िया महिला क्रांति सेना के सेनानी मन करिच्च ।

ए मऊंका मँ निर्माता राज साहु हर बताईच्च कि फिलिम हर जोरदार चलत हे , अऊ अब्बड जल्दी कई सहर के सनिमाघर मँ घलो हमर फिलिम हर लगने वाला हवय । संगे संग सबरीनराएन मेला असन ससहा मेला सहित कई ठन मेला मँ घलो ए पिच्चर के प्रदर्सित होये के गोठ ल फोरिच्च ।

गौरतलब हे कि ए फिलिम के माधियम ले जोरदार तरीका ले कई ठन संदेसा देहे गये हवय कि  छत्तीसगढ़िया ल अपने भासा ल बोले मँ बिल्कुल लजाना नई चाही , हकन ल बऊंरना चाही । छत्तीसगढ़िया ल अपन हक अऊ अधिकार बर सजग , संगठित होना चाही ।  

 रईपुर ले हबरे जोहार छत्तीसगढ़ के टीम हर छेवर मँ  छ्तीसगढ़िया क्रांति सेना संग सिव सनिमा के प्रांगन मँ होरी खेलिच्च अऊ एक दुसर ल बधाई दिहिच्च ।

 ए मऊंका मँ कई कोरी दर्सक अऊ सेनानी भाई बहिनी मन मौजुद रहिच्च ।