अवईया सत्र ले पराथमिक सिक्छा ल अपन महतारी भाखा मँ ही पाही छत्तीसगढ़िया : मुखमंत्री
गनतन्त्र दिवस के मऊका मँ मुख्यमंतरी हर छत्तीसगढ़िया ल दिहीच्च जबर तोहफा।
छत्तीसगढ़ मँ सिक्छा का अधिकार अधिनियम 2009 ल लागु करे जाही: मुखमंतरी
छत्तीसगढ़ मँ घलो जम्मों राज असन महतारी भाखा मँ पराथमिक सिक्छा मिलही ! छत्तीसगढ़ी समेत छत्तीसगढ के सबे महतारी भाखा मँ पढ़ई लिखई बर बुता करईया लोगन समेत सबे छत्तीसगढ़िया बर गनतन्त्र दिवस 2020 हर जबर खुसी लेके आईच्च जब ए पावन मऊंका मँ बस्तर मँ तिरंगा के सलामी देहे के बाद मुखमंतरी हर घोसना करिच्च कि छत्तीसगढ़ मँ घलो सिक्छा कानुन 2009 लँ लागु करे जाही । मुखमंतरी कहिच्च कि ए कानुन मँ फरी फरी लिखाय हे कि पराथमिक कक्छा के नान नान लईका मन ल यथासंभव ओखर महतारी भाखा मँ सिक्छा देहे जाये फेर ए बिडम्बना आंय कि अभी तक ऐला छत्तीसगढ़ मँ लागु नई करे गईच्च फेर अवईया सिक्छा सत्र ले ऐला लागु करके छत्तीसगढ़ी समेत छत्तीसगढ़ के सबे महतारी भाखा मँ सिक्छा देना सुनिस्चित करबो ।
गौरतलब हे कि छत्तीसगढ़िया क्रांति सेना , छत्तीसगढ़िया महिला क्रांति सेना , छत्तीसगढ़ी राजभासा मंच, छत्तीसगढ़ी एम.ए. पास संगठन समेत कई ठन संगठन , बुध्दजीवी, स्वतंत्र बिचारक मन बछर ऊपर बछर ले मांग करत हे कि छत्तीसगढ़ी माध्यम मँ पराथमिक पढ़ई लिखई होवय अऊ ऊही मांग ल आज मुखमंतरी हर पुरा करिच्च।
महतारी भाखा मँ पढ़ई लिखई के घोसना होते ही छत्तीसगढ़िया मँ खुसी के लहर छा गईच्च अऊ सब एक दुसरे ल फोन करके ए मामला के पुस्टी करे के कोसिस करे लगिच्च। माने जावत हे कि ए घोसना ले छत्तीसगढ़ के सिक्छा छेत्र मँ अभुतपुर्व क्रांति आही काबर कि लईकन मन अपन महतारी भाखा मँ सिक्छा पाही त ओखर अऊ तेजी ले बवधिक बिकास होही संगे संग अपन भाखा, संस्कृति बर मया सुवाभिमान पैदा होही अऊ दुनिया जानत हे सुवाभिमानी समाज के कोनो सोसन नई कर सकय।
ए मऊंका मँ छत्तीसगढ़ी बर दसकों ले बुता करईया, छत्तीसगढ़ी राजभासा मंच के प्रांतीय संयोजक नंदकिसोर सुकुल हर ए मऊंका मँ अपन खुसी जाहिर करके अपन मुखपोथी मँ मुखमंतरी के अभार व्यक्त करत मुखमंतरी ल भावुकता ले भरे अनगिनत बधाई देहे हे फेर अपन जीवन के 80 बछर देख चुके अनुभवी नंदकिसोर सुकुल हर ए सारा प्रकरन मँ अपन पैनी नजर रखे हुए हवय । सुकुल जी के कहना हे कि मुखमंतरी जी के घोसना के अनुरुप कानुन ल पुरा पुरा लागु करवाये बर चेत करे ल परही ।
छत्तीसगढ़ी मँ पढ़ई लिखई के मांग बर दिल्ली तक मँ अनसन कर चुके अऊ छत्तीसगढ़ी के मान सममान बर रईपुर बेलासपुर सहित पुरा छत्तीसगढ़ के भुईया नाप चुके छत्तीसगढ़िया महिला क्रांति सेना संगठन के प्रमुख लता राठौर हर घलो मुखमंतरी के ए घोसना ले अब्बड खुसी जाहिर करके मुखमंतरी ल भावुकता ले भरे अभार ब्यक्त करिच्च । संगे संग नौकरसाह अऊ ए कानुन लँ जमीन मँ उतरईया अधिकारी मन मुखमंतरी के घोसना के अनुरुप ही ए कानुन ल लागु करय तेखर सेतिर छत्तीसगढ़िया ल पैनी नजर रखे के बात कहिच्च अऊ इही घोसना ल लेके बिचार विमर्स करे बर छत्तीसगढ़िया महिला क्रांति सेना के 27 जनवरी के अपात जुराव बुलाये हे ।
छत्तीसगढ़ मँ घलो जम्मों राज असन महतारी भाखा मँ पराथमिक सिक्छा मिलही ! छत्तीसगढ़ी समेत छत्तीसगढ के सबे महतारी भाखा मँ पढ़ई लिखई बर बुता करईया लोगन समेत सबे छत्तीसगढ़िया बर गनतन्त्र दिवस 2020 हर जबर खुसी लेके आईच्च जब ए पावन मऊंका मँ बस्तर मँ तिरंगा के सलामी देहे के बाद मुखमंतरी हर घोसना करिच्च कि छत्तीसगढ़ मँ घलो सिक्छा कानुन 2009 लँ लागु करे जाही । मुखमंतरी कहिच्च कि ए कानुन मँ फरी फरी लिखाय हे कि पराथमिक कक्छा के नान नान लईका मन ल यथासंभव ओखर महतारी भाखा मँ सिक्छा देहे जाये फेर ए बिडम्बना आंय कि अभी तक ऐला छत्तीसगढ़ मँ लागु नई करे गईच्च फेर अवईया सिक्छा सत्र ले ऐला लागु करके छत्तीसगढ़ी समेत छत्तीसगढ़ के सबे महतारी भाखा मँ सिक्छा देना सुनिस्चित करबो ।
गौरतलब हे कि छत्तीसगढ़िया क्रांति सेना , छत्तीसगढ़िया महिला क्रांति सेना , छत्तीसगढ़ी राजभासा मंच, छत्तीसगढ़ी एम.ए. पास संगठन समेत कई ठन संगठन , बुध्दजीवी, स्वतंत्र बिचारक मन बछर ऊपर बछर ले मांग करत हे कि छत्तीसगढ़ी माध्यम मँ पराथमिक पढ़ई लिखई होवय अऊ ऊही मांग ल आज मुखमंतरी हर पुरा करिच्च।
महतारी भाखा मँ पढ़ई लिखई के घोसना होते ही छत्तीसगढ़िया मँ खुसी के लहर छा गईच्च अऊ सब एक दुसरे ल फोन करके ए मामला के पुस्टी करे के कोसिस करे लगिच्च। माने जावत हे कि ए घोसना ले छत्तीसगढ़ के सिक्छा छेत्र मँ अभुतपुर्व क्रांति आही काबर कि लईकन मन अपन महतारी भाखा मँ सिक्छा पाही त ओखर अऊ तेजी ले बवधिक बिकास होही संगे संग अपन भाखा, संस्कृति बर मया सुवाभिमान पैदा होही अऊ दुनिया जानत हे सुवाभिमानी समाज के कोनो सोसन नई कर सकय।
ए मऊंका मँ छत्तीसगढ़ी बर दसकों ले बुता करईया, छत्तीसगढ़ी राजभासा मंच के प्रांतीय संयोजक नंदकिसोर सुकुल हर ए मऊंका मँ अपन खुसी जाहिर करके अपन मुखपोथी मँ मुखमंतरी के अभार व्यक्त करत मुखमंतरी ल भावुकता ले भरे अनगिनत बधाई देहे हे फेर अपन जीवन के 80 बछर देख चुके अनुभवी नंदकिसोर सुकुल हर ए सारा प्रकरन मँ अपन पैनी नजर रखे हुए हवय । सुकुल जी के कहना हे कि मुखमंतरी जी के घोसना के अनुरुप कानुन ल पुरा पुरा लागु करवाये बर चेत करे ल परही ।
छत्तीसगढ़ी मँ पढ़ई लिखई के मांग बर दिल्ली तक मँ अनसन कर चुके अऊ छत्तीसगढ़ी के मान सममान बर रईपुर बेलासपुर सहित पुरा छत्तीसगढ़ के भुईया नाप चुके छत्तीसगढ़िया महिला क्रांति सेना संगठन के प्रमुख लता राठौर हर घलो मुखमंतरी के ए घोसना ले अब्बड खुसी जाहिर करके मुखमंतरी ल भावुकता ले भरे अभार ब्यक्त करिच्च । संगे संग नौकरसाह अऊ ए कानुन लँ जमीन मँ उतरईया अधिकारी मन मुखमंतरी के घोसना के अनुरुप ही ए कानुन ल लागु करय तेखर सेतिर छत्तीसगढ़िया ल पैनी नजर रखे के बात कहिच्च अऊ इही घोसना ल लेके बिचार विमर्स करे बर छत्तीसगढ़िया महिला क्रांति सेना के 27 जनवरी के अपात जुराव बुलाये हे ।
Comments
Post a Comment