बिस्व महतारी भाखा दिवस मनाये गईच्च , पढ़ई लिखई के घोसना बर सरकार ल संहराईच्च
छत्तीसगढ़िया महिला क्रांति सेना , राजभासा मंच हर मनाईच्च बिस्व महतारी भाखा दिवस , महतारी भाखा ल बुनियाद सिक्छा के माध्यम बनाये बर छग सरकार के करिच्च अभार।
बिस्व महतारी भाखा दिवस के मऊंका मँ छत्तीसगढ़िया महिला क्रांति सेना हर बेलासपुर के संजीवनी अस्पताल सभागार मँ छत्तीसगढ़ी बिचार गोस्ठी कारकरम करिच्च जेमा प्रदेश भर ले भासाविद, सुजान मनखे , साहितकार , जनसेवक अऊ महिला क्रांति सेना के बहनी मन संघराके अपन अपन बिचार रखिच्च।
ए मऊंका मँ छत्तीसगढ़ी राजभासा मंच के प्रांतीय संजोजक नंदकिसोर सुक्ला हर बताईच्च कि ठऊंके आजे के दिन अपन भाखा बर बंग्लादेसिया मन बलिदान देहे रहिच्च ओखरे सुरता मँ युनेस्कों हर आजे के दिन ए दिवस ल मनाथे तभे आज वो पावन दिन आंय जेला भाखा के परति मया के सबले बड़का दिन कहे जा सकत हे ओखरे बर आज हमुच्च छत्तीसगढ़िया मन ल अपन महतारी भाखा के संरक्छन, बिकास बर बुता करे के किरिया खाना चाही। संगे संग छग सरकार हर अवईया सतर ले छत्तीसगढ़ी संग सबेच्च महतारी भाखा लँ पराथमिक सिक्छा के माधियम बनाये के घोसना करे हे तेखरो बर सरकार लँ अंतस ले संहराईच्च ।
ओखर बाद छत्तीसगढ़ी के मान सम्मान बर नाहके छह बछर ले लडाई लड़ईया संगठन छत्तीसगढ़िया महिला क्रांति सेना के प्रदेस अध्यक्छ लता राठौर हर कहिच्च कि प्रदेस सरकार हर अवईया सतर ले महतारी भाखा ल बुनियादी सिक्छा मँ माध्यम के रुप मँ बऊंरही तेन हर बंदनीय, क्रांतिकारी घोसना आंय ऐखर बर सरकार बधाई के पात्र आंय फेर संगे संग छत्तीसगढ़ी ल कक्छा पहली ले दसवी तक बिषय के रुप मँ घलो पढ़ाई लिखाई करवाये बर सरकार सो गोहराईच्च ताकी हमर महतारी भाखा ल पुरा सोला आना सम्मान मिल सके । ओखरे संघरा वोहर एहु गोठ ल फोरिच्च कि अवईया 28 फरवरी 2020 के प्रदेस के राजधानी मँ घलो बड़का स्तर मँ महतारी भाखा दिवस मनाबो तेमा सरकार घलो हर संहराये लाईक बुता (महतारी भाखा ल माध्यम बनाये के) करे हे तेखर बर बधाई प्रताव लाबो।
ए मऊंका मँ बरिस्ट बिचारक सिरी पाटनवार हर महतारी भाखा छत्तीसगढ़ी लँ आठवी अनुसूची मँ जोड़े के जायज मांग करिच्च ।
तहन बिलासपुर नगर निगम के पारसद संध्या तिवारी हर कहिच कि महतारी भाखा ल जेतका हो सकय सबेच्च जगह बऊंरना चाही । छत्तीसगढ़ी मोर अऊ 2 करोड़ लोगन के महतारी भाखा आंय अऊ आज के दिन हर किरिया खाये के दिन आंय कि छत्तीसगढ़ी ल अपन जीवनसैली मँ उतारिन अऊ तभे छग महतारी के घलो सितोन के सोलह सिंगार
कारकरम के छेवर मँ छत्तीसगढ़िया क्रांति सेना के जिला संयोजक ठा. सइलु श्रीवास हर रविसंकर विश्वविद्यालय असन बेलासपुर विश्वविद्यालय मँ घलो छत्तीसगढ़ी के एम.ए. डिग्री कोर्स चालु करे के मांग सरकार सो करिच्च ताकि छत्तीसगढ़ी हर उच्च सिक्छा मँ घलोच्च सम्पुर्न छत्तीसगढ़ मँ बगर सकें। कारकरम मँ सैकड़ो मनखे सकलाईन ।
बिस्व महतारी भाखा दिवस के मऊंका मँ छत्तीसगढ़िया महिला क्रांति सेना हर बेलासपुर के संजीवनी अस्पताल सभागार मँ छत्तीसगढ़ी बिचार गोस्ठी कारकरम करिच्च जेमा प्रदेश भर ले भासाविद, सुजान मनखे , साहितकार , जनसेवक अऊ महिला क्रांति सेना के बहनी मन संघराके अपन अपन बिचार रखिच्च।
ए मऊंका मँ छत्तीसगढ़ी राजभासा मंच के प्रांतीय संजोजक नंदकिसोर सुक्ला हर बताईच्च कि ठऊंके आजे के दिन अपन भाखा बर बंग्लादेसिया मन बलिदान देहे रहिच्च ओखरे सुरता मँ युनेस्कों हर आजे के दिन ए दिवस ल मनाथे तभे आज वो पावन दिन आंय जेला भाखा के परति मया के सबले बड़का दिन कहे जा सकत हे ओखरे बर आज हमुच्च छत्तीसगढ़िया मन ल अपन महतारी भाखा के संरक्छन, बिकास बर बुता करे के किरिया खाना चाही। संगे संग छग सरकार हर अवईया सतर ले छत्तीसगढ़ी संग सबेच्च महतारी भाखा लँ पराथमिक सिक्छा के माधियम बनाये के घोसना करे हे तेखरो बर सरकार लँ अंतस ले संहराईच्च ।
ओखर बाद छत्तीसगढ़ी के मान सम्मान बर नाहके छह बछर ले लडाई लड़ईया संगठन छत्तीसगढ़िया महिला क्रांति सेना के प्रदेस अध्यक्छ लता राठौर हर कहिच्च कि प्रदेस सरकार हर अवईया सतर ले महतारी भाखा ल बुनियादी सिक्छा मँ माध्यम के रुप मँ बऊंरही तेन हर बंदनीय, क्रांतिकारी घोसना आंय ऐखर बर सरकार बधाई के पात्र आंय फेर संगे संग छत्तीसगढ़ी ल कक्छा पहली ले दसवी तक बिषय के रुप मँ घलो पढ़ाई लिखाई करवाये बर सरकार सो गोहराईच्च ताकी हमर महतारी भाखा ल पुरा सोला आना सम्मान मिल सके । ओखरे संघरा वोहर एहु गोठ ल फोरिच्च कि अवईया 28 फरवरी 2020 के प्रदेस के राजधानी मँ घलो बड़का स्तर मँ महतारी भाखा दिवस मनाबो तेमा सरकार घलो हर संहराये लाईक बुता (महतारी भाखा ल माध्यम बनाये के) करे हे तेखर बर बधाई प्रताव लाबो।
ए मऊंका मँ बरिस्ट बिचारक सिरी पाटनवार हर महतारी भाखा छत्तीसगढ़ी लँ आठवी अनुसूची मँ जोड़े के जायज मांग करिच्च ।
तहन बिलासपुर नगर निगम के पारसद संध्या तिवारी हर कहिच कि महतारी भाखा ल जेतका हो सकय सबेच्च जगह बऊंरना चाही । छत्तीसगढ़ी मोर अऊ 2 करोड़ लोगन के महतारी भाखा आंय अऊ आज के दिन हर किरिया खाये के दिन आंय कि छत्तीसगढ़ी ल अपन जीवनसैली मँ उतारिन अऊ तभे छग महतारी के घलो सितोन के सोलह सिंगार
कारकरम के छेवर मँ छत्तीसगढ़िया क्रांति सेना के जिला संयोजक ठा. सइलु श्रीवास हर रविसंकर विश्वविद्यालय असन बेलासपुर विश्वविद्यालय मँ घलो छत्तीसगढ़ी के एम.ए. डिग्री कोर्स चालु करे के मांग सरकार सो करिच्च ताकि छत्तीसगढ़ी हर उच्च सिक्छा मँ घलोच्च सम्पुर्न छत्तीसगढ़ मँ बगर सकें। कारकरम मँ सैकड़ो मनखे सकलाईन ।
Comments
Post a Comment